Фарғона вилояти ИИБ Киберхавфсизлик бўлинмаси томонидан тегишли мутасадди идоралар билан ҳамкорликда тезкор тадбир ўтказилган.
Тадбирда Андижон шаҳрида яшовчи 22 ёшли И.М. ноқонуний “майнинг ферма" ташкил қилганлиги аниқланган.
Ушбу "майнинг ферма" электр тармоғидан ноқонуний фойдаланиши натижасида 7 млрд сўм миқдорда моддий зарар етказганлиги маълум бўлган.
Мазкур ҳолат юзасидан ЖКнинг 169-моддаси 4-қисми "а" банди билан жиноят иши қўзғатилиб, тергов, тезкор-қидирув ҳаракатлари олиб борилмоқда.
Қонунга мувофиқ, ЖКнинг 169-моддаси 4-қисмидаги жиноий хатти-ҳаракатлар учун 8 йилдан 15 йилгача озодликдан маҳрум қилиш жазоси назарда тутилган.
