Аввалроқ, ижтимоий тармоқда Бухорода Янги йил арчаси ағдарилиб кетгани акс этган видео тарқалди. Ҳолат юзасидан ҳокимлик маълумот берди.
Қайд этилишича, бугун, 25 декабрь куни кечки пайт эсган кучли шамол туфайли Қоракўл тумани марказида безатилган байрам арчаси қулаб тушган. Ҳодиса оқибатида тан жароҳати олганлар бўлмаган.
“Айни пайтда арчанинг каркасларини таъмирлаш мақсадида демонтаж ишлари олиб борилмоқда. Тез фурсатда Янги йил арчаси таъмирланиб, ўз ўрнида қайта ўрнатилади ва маданий тадбирлар белгиланган дастур асосида давом эттирилади”, — дейилади хабарда.
