Аввалроқ, ижтимоий тармоқда электробус ЙТҲга учрагани акс этган видео тарқалди.
“Тошшаҳартрансхизмат” АЖнинг маълум қилишича, ҳодиса 14 декабрь куни соат 09:15 ларда Учтепа тумани “Ўрикзор” маҳалласи Зарафшон кўчасида содир бўлган.
Yutong русумли 53-сонли йўналишда ҳаракатланаётган ҳайдовчи А.А. (стажи 11 йил) бошқарувидаги электробус ҳаракатланиб бораётган вақтда йўлдаги музлама сабабли бошқарувни йўқотиб, йўл четидаги столбага бориб урилган.
“Мазкур ЙТҲ натижасида, тан жароҳати олганлар йўқ. Электробус техник шикастланган. Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан расмийлаштирилиб, суриштирув ишлари олиб борилмоқда”, — дейилади хабарда.