Тошкент вилояти божхона бошқармаси Контрабандага қарши курашиш бўлими, ДХХ ва ИИВ тезкор ходимлари билан ҳамкорликда тезкор тадбир ўтказилган.
Маълум бўлишича, тадбир давомида Тошкент вилояти «Чинор» йўл-патруль хизмати масканида, фуқаро бошқарувидаги KIA русумли бўлган юк автотранспорт воситаси тўхтатилиб кўздан кечирилган.
Ходимларни чалғитиш мақсадида автотранспорт юкхонасининг олди қисмига хуфиёна тарзда кўкатлар остида 9 дона картон қутиларда пиротехника воситалари яширилганлиги аниқланган.
Суриштирувлар давомида ушбу пиротехника воситалари хорижда ишлаб чиқарилган ва четдан ноқонуний олиб кирилганлиги маълум бўлган.
Дастлабки ҳисоб-китобларга кўра, аниқланган салкам 86 минг дона пиротехника воситаларининг умумий қиймати 200 млн сўмдан ошмоқда.
Ҳозирда мазкур ҳолат юзасидан суриштирув ишлари олиб борилмоқда.
