Жорий йилнинг 11 декабрь куни Қувасой шаҳар тиббиёт бирлашмасида фуқаро Н.А. ушбу бирлашма бўлим бошлиғи Х.Н. билан ўзаро келишмовчилик сабабли жанжаллашиб қолган. Бу ҳақда Фарғона вилояти ИИБ матбуот хизмати хабар берди.
Ўзаро жанжал натижасида фуқаро Н.А. бирлашма бўлим бошлиғи Х.Н.га ёнида бўлган пичоқ билан оғир тан жароҳати етказган.
Мазкур ҳолат юзасидан ЖКнинг 104-моддаси 2-қисми "л" банди (қурол ишлатиб, баданга қасддан оғир шикаст етказиш) билан жиноят иши қўзғатилган. Гумонланувчи Н.А. процессуал тартибда қўлга олинган.
Қайд этилишича, мазкур жиноят иши бўйича тергов ҳаракатлари вилоят ИИБ назоратига олинган.