Поиск
RUUZ

Общество

Тошкентда йўловчи аёл эшиклари очиқ ҳолда ҳаракатланаётган автобус эшигидан тушиб кетди

“Тошшаҳартрансхизмат” АЖ ҳодисага расмий изоҳ берди.

646views0replies
0

Ко Дну

Аввалроқ, ижтимоий тармоқда автобус тўсатдан ҳаракатланиши натижасида йўловчи аёл жароҳат олгани ҳақида хабар тарқалди. “Тошшаҳартрансхизмат” АЖ ҳолат юзасидан маълумот берди. 
Маълум қилинишича, ҳодиса жорий йилнинг 10 декабрь куни соат 15:30 ларда Мирзо Улуғбек тумани Қорасув мавзеси Мингбулоқ кўчаси “Универсам бекати”да содир бўлган.
50-сонли “Юнусобод мавзеси 9-даҳаси – Чингелди маҳалласи” йўналишида ҳаракатланаётган MAN русумли автобус ҳайдовчиси йўловчиларни тўлиқ тушириб-чиқариб бўлмасдан ҳаракатланиши оқибатида, автобусга ҳали чиқиб улгурмаган йўловчи аёл йиқилиб тушиши натижасида тан жароҳати олган.
Ҳодиса содир бўлган жойга дарҳол тез-тиббий ёрдам ходимлари чақирилиб, РШТТЁ марказига олиб борилган ва биринчи тез-тиббий ёрдам кўрсатилиб, ташхис қилинган. Ташхис натижаларига кўра, йўловчи юз қисми пешонасидан енгил тан жароҳати олганлиги ҳамда ўнг қўли синганлиги аниқланган.
Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан расмийлаштирилиб, дастлабки тергов ва суриштирув ишлари олиб борилмоқда.
646views0replies
0

Комментарии