"Тошкент метрополитени" ДУК хабарига кўра, жорий йилнинг 28 ноябрь куни соат 14:58 да Тошкент метрополитенининг Қўйлиқ бекатида номаълум эркак ўзини ҳаракатланиб келаётган поезд тагига ташлаган. Метрополитен Матбуот котибининг UzNews.uz'га хабар қилишича, эркак олган жароҳатлари сабаб воқеа жойида вафот этган.
"Ҳозирда "Ер усти ҳалқа йўли" йўналишининг бир томон қисми вақтинча ҳаракатдан тўхтатилган. Ҳолат юзасидан батафсил маълумотни дастлабки суриштирув ишлари якунига етгач, маълум қиламиз", - дейилади хабарда.