Жорий йилнинг 25 ноябрь куни соат 23:30 да “Ғишткўприк” чегара божхона постига пиёда ҳолда кириб келган ўзбекистонлик фуқаро холислар иштирокида шахсий кўрикдан ўтказилган.
Фуқаро дори воситаларини эгнидаги кўк рангли курткаси ости, тана қисмлари: кўкрак, қорин, бел қисмларига олдиндан скотч билан маҳкамлаб яширган.
Аниқланишича, оғзаки сўровда маълум қилинмаган ва йўловчи божхона декларациясида ёзиб кўрсатилмаган қиймати 8 120 000 сўмлик:
920 минг сўмлик 74 дона “Бепантен” номли дори воситаси;
2 млн сўмлик 100 дона “Таблетки от кашля” номли дори воситаси;
200 минг сўмлик 10 дона “Авамис” номли дори воситаларини Қозоғистондан қайта сотиш мақсадида олиб келаётганлиги аниқланган.
Ҳозирда мазкур ҳолат юзасидан божхона органлари томонидан суриштирув ҳаракатлари давом этмоқда.
