Кеча, 24 ноябрь куни футбол бўйича Ўзбекистон Суперлигаси 25-турдан ўрин олган "Пахтакор" ҳамда "Сурхон" жамоалари ўртасидаги учрашув бўлиб ўтди.
Ушбу ўйинда Тошкентнинг "Пахтакор" жамоаси ўз уйида "Сурхон"ни 2:1 ҳисобида мағлубиятга учратди ва Ўзбекистон чемпионлигини қўлга киритди. Шу билан бирга "шерлар" ўз тарихида 16 карра Ўзбекистон чемпиони бўлди.
Ушбу учрашувда киритилган голларга Дилшод Саитов, Азизбек Турғунбоев (иккиси ҳам "Пахтакор"дан) ҳамда Сильванус Нимели ("Сурхон") муаллифлик қилишди.
