"Uzbekistan Airports" АЖ бошқаруви раисининг 2023 йил 22 ноябрдаги буйруғига биноан Пўлатов Жасур Шуҳратович "Ислом Каримов номидаги Тошкент халқаро аэропорти" МЧЖ директори вазифасини бажарувчиси этиб тайинланди, дея хабар бермоқда "Uzbekistan Airports" АЖ Матбуот хизмати.
Жасур Пўлатов, ўз фаолиятини авиация соҳасида "Oʻzbekiston havo yoʻllari" МАКда ҳаво ташувларини ташкил этиш агенти сифатида бошлаган ва мазкур лавозимда 2019 йилгача ишлаб келган.
Шундан сўнг меҳнат фаолиятини Транспорт вазирлигида давом эттириб, сўнгги йилларда аэропортларни ривожлантириш ва ер усти таъминоти бошқармаси бошлиғи лавозимида ишлаган.
2023 йилда "Uzbekistan Airports" АЖга таклиф қилиниб, бошқарув раисининг халқаро ташкилотлар билан ҳамкорлиги бўйича маслаҳатчиси лавозимида ишлади. Кейинчалик Бухоро аэропорти директори вазифасини вақтинчалик бажарувчи этиб тайинланди.