Ўзгидромет хабарига кўра, бугун ва дам олиш кунлари Ўзбекистон ҳудуди бўйлаб ҳаво бироз булутли бўлади, баъзи жойларда ўзгариб туради, ёғингарчилик кутилмайди.
Ҳаво ҳароратининг аста-секин кўтарилиши давом этади. Бугун кундузи ҳарорат +15...+18 даражагача кўтарилади, шанба кунига келиб +17...+20 даражагача, якшанба куни эса +20...+23 даражагача кўтарилади. Ҳарорат кечаси +5...+10 даража илиқ бўлади.
Шамол шарқдан соатига 7-12 м/с тезликда эсади. Бугун кундузи баъзи жойларда шамол тезлиги соатига 15-20 м/с гача кучаяди.
Пойтахтда 24-26 ноябрь кунлари ҳаво ўзгариб туради, ёғингарчилик кутилмайди. Шамол шарқдан 3-8 м/с тезликда эсади. Ҳарорат кечалари +7...+9 даража, кундузи 24 ноябрда +15...+17 даража, 25 ноябрда +16...+18 даража, 26 ноябрда +19...+21 даража атрофида бўлади.
