Тошкент ер усти транспорт линияларига туташ ҳудудларда савдо ва маиший хизмат кўрсатиш фаолиятини амалга ошириш учун бинолар яратишни назарда тутувчи лойиҳа ишлаб чиқилди. Бу ҳақда пойтахт ҳокимлиги Матбуот хизмати хабар берди.
Ҳисоб-китобларга кўра, ер усти метро линиялари остидаги фойдаланилмаётган ерларнинг умумий майдони 100 минг квадрат метрни ташкил этиб, унинг камида 50 фоизи тадбиркорлар учун қўшимча даромад нуқтасига айланиши ва шу орқали аҳоли фаровонлигини ва ҳудудлардан фойдаланиш самарадорлигини оширишга хизмат қилиши мумкин.
Бундан ташқари, ушбу биноларни сотиб олиш ёки ижараси нархи турар-жой мажмуаларининг биринчи қаватларидаги нотураржой объектларига нисбатан анча ҳамёнбоп бўлади.
Илгари бу ҳудудларда болалар ўйин майдончалари, сайр қилиш учун ҳудудлар яратилган бўлиб, улар болалар, уларнинг оналари ва бувиларининг севимли масканига айланган эди. Қиш фасли яқинлашаётгани муносабати билан кейинчалик уларда жойлашган дўконлар, қаҳвахоналар ва ўйин майдончалари туташ ҳудудлар аҳолиси учун яна бир қулай масканга айланиши кутилмоқда.
Синов тариқасида ўтган йилнинг ўрталарида 2-метро бекати яқинида тижорат бинолари очилди. Лойиҳа муваффақиятли амалга оширилгач, уни 3 ва 4-станциялар оралиғи аҳоли зичроқ жойлашган ҳудудларда амалга оширишга қарор қилинди.
Кейинчалик, биринчи босқичда "Роҳат" айланма йўлигача, иккинчи босқичда эса "Роҳат" айланма йўлидан "Қўйлиқ" бозоригача бўлган объектлар ташкил этиш режалаштирилган.
"Вазиятдан ва ушбу объектларга бўлган катта қизиқишдан фойдаланган ҳолда, ҳокимликнинг Инвестиция бошқармаси манфаатдор шахсларга ушбу жойларни ижарага олиш имконияти ҳақида маълум қилади. Мурожаат учун телефон рақами: 71 210-02-50.
Шу ўринда, Тошкент шаҳри аҳолисига қизиқтирган саволлар бўйича, Telegram'даги изоҳлар, расмий саҳифаларимиз орқали шахсий хабарлар, шунингдек 71 210-01-63 рақами ёрдамида бизга боғланиш мумкинлигини эслатиб ўтамиз", - дейилади хабарда.