Жорий йилнинг 19 ноябрь куни соат 17:35 атрофида Олтинкўл тумани "Бўстон" МФЙ ҳудудида Nexia-2 ҳайдовчиси велосипедчи 25 ёшли У.О.ни уриб юборган. Аммо, ҳайдовчи У.О.га ёрдам кўрсатмай, воқеа жойидан кетиб қолган.
Вилоят ИИБ ЙҲХБ Ахборот хизматининг UzNews.uz'га хабар беришича, ЙТҲ оқибатида, У.О. тан жароҳати олиб туман шифохонасига ёткизилган. Аммо, кўрсатилган муолажаларга қарамасдан у шифохонада вафот этган.
Тезкор-қидирув ҳаракатлари натижасида ҳайдовчи қўшни Балиқчи туманидан топилиб, ушланган.
Мазкур ҳолат юзасидан Олтинкўл тумани ИИБ Тергов бўлими томонидан ЖКнинг 266-моддаси 1-қисми билан жиноят иши қўзғатилган.
