Қирғизистоннинг Ўш шаҳрига Зафарбек Аҳмедов Ўзбекистоннинг биринчи бош консули этиб тайинланди, дея хабар бермоқда "Дунё" АА мухбири.
У бунгача Консуллик-ҳуқуқий департаменти бўлим бошлиғи лавозимида ишлаб келган.
Зафарбек Аҳмедов Ўзбекистон президенти ҳузуридаги Стратегик ва минтақалараро тадқиқотлар институтида, ТИВ тизимида, жумладан, Покистондаги элчихонада турли лавозимларда фаолият юритган. Шунингдек, Миллатлараро муносабатлар ва хорижий мамлакатлар билан дўстлик алоқалари қўмитаси раисининг маслаҳатчиси бўлиб ишлаган.
Эслатиб ўтамиз, Ўзбекистоннинг Ўш шаҳридаги Бош консуллиги 2022 йилда иш бошлаган. Консуллик округига Қирғизистоннинг Боткен, Жалолобод ва Ўш вилоятлари киради.
