Бугун, 16 ноябрь куни Индонезияда 17 ёшли футболчилар ўртасида Жаҳон чемпионати "В" гуруҳидан ўрин олган Ўзбекистон ҳамда Испания ўртасидаги 3-тур учрашуви бўлиб ўтди. Ушбу ўйинда томонлар муроса йўлини танлашди 2:2.
Қизиқарли кечган баҳсда киритилган голларга Игор Ойоно, Роберто Мартин, Беҳруз Шукуруллаев ва Амир Саидов муаллифлик қилишди.
Эслатиб ўтамиз, мусобақада энг яхши учинчи ўринни эгаллаган 4 та терма жамоалар кейинги босқич йўлланмасини қўлга киритади. Ҳозирги вазиятда Ўзбекистон терма жамоаси ўз гуруҳида 4 очко жамғарган ҳолда энг яхши учинчи ўринни эгаллаган биринчи жамоа бўлиб турибди.
