Бугун, 13 ноябрь куни Индонезияда 17 ёшли футболчилар ўртасида Жаҳон чемпионати "В" гуруҳидан ўрин олган Ўзбекистон ҳамда Канада ўртасидаги 2-тур учрашуви бўлиб ўтди. Қизиқарли кечган ўйинда Ўзбекистон терма жамоаси рақибларини 3:0 ҳисобида мағлуб этишди ва мундиалдаги илк ғалабасини қўлга киритди.
Ушбу учрашувда киритилган голларга Дилшод Абдуллаев ва Амирбек Саидов (2 та) муаллифлик қилишди.
Эслатиб ўтамиз, Ўзбекистон U-17 терма жамоаси гуруҳдаги сўнгги турда Испания терма жамоасига қарши майдонга тушади.