Бош прокуратура ҳузуридаги Департамент Шайхонтоҳур туман бўлими ҳамда ДХХ томонидан ўтказилган тезкор тадбирда, фуқаролар Б.А. ва Ш.К.лар ўзларининг ёнидаги жами 27 дона қалбаки 50 минг сўмлик купюраларнинг 20 донасини фуқаро А.га 300 минг сўмга ўтказган вақтида ашёвий далил билан ушланганлар.
Шунингдек, тадбирда фуқаролар қалбаки пулларни шериги Е.Р.нинг хонадонида ясаганликлари аниқланиб, ушбу хонадондан 50 минг сўмлик қалбаки купюра, рангли принтер, ноутбук ва бошқа товарлар ашёвий далил сифатида олинган.
ДХХ Матбуот хизматининг UzNews.uz’га маълум қилишича, мазкур ҳолат юзасидан Жиноят кодексининг 176-моддаси 2-қисми билан жиноят иши қўзғатилиб, тергов ҳаракатлари ўтказилмоқда.