Бош прокуратура хабарига кўра, “Кўмир таъминот” МЧЖнинг Фарғона вилоят филиали тасарруфидаги Бувайда туман кўмир омбор мудири А.И. куз-қиш мавсумида аҳолига имтиёзли нархда тарқатишга мўлжалланган 413,8 млн сўмлик 1 364,3 тонна кўмирларни гўёки фуқаролар олганлиги тўғрисида сохта маълумотлар тайёрлаб, кўмирни нақд пулга сотиб, шахсий манфаатлари йўлида талон-торож қилган.
Бундан ташқари, "Кўмир таъминот” МЧЖнинг Наманган вилоят филиали тасарруфидаги Учқўрғон тумани кўмир омбор мудири У.Н. аҳолига имтиёзли нархда тарқатишга мўлжалланган 623,7 тонна кўмирларни талон-торож қилганлиги аниқланди.
Мазкур ҳолатлар юзасидан омбор мудирига нисбатан жиноят иши қўзғатилиб, ушбу шахслар процессуал тартибда ушланди.
Тергов ҳаракатлари давом этмоқда.
