Арманистон пойтахти Ереван шаҳрида самбо бўйича катталар ўртасида жаҳон чемпионати бошланди. Мусобақанинг биринчи куни ўзбекистонлик самбочилар олтин медални қўлга киритди, дея хабар бермоқда Миллий Олимпия Қўмитаси Матбуот хизмати.
Унга кўра, -50 кг вазн тоифасида Гулсевар Ўроқова, -59 кг вазн тоифасида эса Ибодатхон Агожогонова барча рақибаларини мағлубиятга учратиб, олтин медални қўлга киритишди.
Жанговар самбода эса -79 кг вазнли Фурқат Рўзиев кумуш медалга эга чиқди.
Маълумот ўрнида, бунга қадар Ўзбекистон самбочи қизлари катталар ўртасидаги жаҳон чемпионатида олтин медаль қўлга киритишмаган. Гулсевар ва Ибодатхоннинг олтин медаллари ўзбек самбоси тарихида янги саҳифа очди.
