Бугун Индонезияда 17 ёшли футболчилар ўртасида Жаҳон чемпионати старт олади. Ўзбекистон U-17 терма жамоаси "В" гуруҳидаги иштирокини Тошкент вақти билан соат 14:00 да Мали терма жамоасига қарши учрашув билан бошлайди.
Ушбу учрашув Индонезиядаги "Manahan" стадионида бўлиб ўтади. Бу баҳсни уругвайлик ҳакамлар бригадаси бошқариб боради. Бош ҳакам Техера Густаво, унга қанотларда ҳамюртлари Баррерио Карлос ва Ниэвас Андрес ёрдам беради. 4-расмий ҳакам вазифаси эса Аранда Априсманга (Индонезия) топширилган.
Эслатиб ўтамиз, Ўзбекистонлик футболчилар гуруҳдаги иккинчи ўйинда 13 ноябрь куни Канадага қарши баҳс олиб борса, 16 ноябрь куни Испания терма жамоаси билан тўқнаш келади.
Маълумот учун, Ўзбекистон ва Канада ўртасидаги ўйин Тошкент вақти билан 17:00 да бошланса, Испанияга қарши баҳс 14:00 да бошланади.