3 ноябрь куни Остона шаҳрида Қосим-Жомарт Токаев раислигида Туркий давлатлар ташкилотининг Х саммити бўлиб ўтди, деб хабар бермоқда Қозоғистон президенти Матбуот хизмати.
Саммитда ташкилотнинг амалдаги раиси – Ўзбекистон президенти Шавкат Мирзиёев, Озарбайжон президенти Илҳом Алиев, Қирғизистон президенти Садир Жапаров, Туркия президенти Режеп Таййип Эрдўғон, Туркманистон Халқ Маслаҳатияси раиси Гурбангули Бердимуҳамедов, Венгрия бош вазир Виктор Орбан ва ТДТ Бош котиби Кубаничбек Омуралиев сўзга чиқдилар.
Саммит якунлари бўйича давлат раҳбарлари Ташкилот олдига қатор мақсад ва вазифаларни қўйдилар.
Шунингдек, қуйидаги ҳужжатлар имзоланди:
• Остона қонуни;
• Туркий Давлатлар Ташкилотининг Х Саммити Декларацияси;
• Ўзбекистон президенти Шавкат Мирзиёевни "Турк дунёсининг энг олий ордени" билан мукофотлаш тўғрисидаги давлат раҳбарларининг қарори;
• Давлат раҳбарларининг Турк дунёси молия марказлари мақомини бериш тўғрисидаги қарори;
• Туркий ҳамкорлик ташкилотларининг янги байроқларини қабул қилиш тўғрисидаги қарор;
• Давлат раҳбарларининг тайинлаш тўғрисидаги қарори;
• Иқтисодий ҳамкорлик ташкилотига Туркий давлатлар ташкилотида кузатувчи мақоми бериш тўғрисидаги қарор;
• 6 февраль кунини Туркий Давлатлар Ташкилотининг Табиий офат қурбонларини хотирлаш ва бирдамлик куни деб тасдиқлаш тўғрисидаги қарор;
• Туркий давлатлар ташкилоти котибияти бюджетини бошқариш қоидалари тўғрисидаги қарор;
• "Туркий давлатлар ташкилотининг доимий вакиллари тўғрисидаги Низом"ни ишлаб чиқиш тўғрисидаги қарор;
• Туркий давлатлар ташкилотига аъзо давлатларнинг тегишли муассасалари ўртасида метрология соҳасида ҳамкорлик тўғрисидаги баённома;
• 2023-2027 йилларга мўлжалланган Транспорт коммуникациялари дастурини амалга ошириш бўйича Туркий давлатлар ташкилотининг қўшма ҳаракатлар режаси (йўл харитаси).