Президент қарорига асосан Иқболжон Одилжонович Эргашев Ипакчилик ва жун саноатини ривожлантириш қўмитаси раиси лавозимига тайинланди. Бу ҳақда ЎзА хабар берди.
Тайинловга қадар Иқболжон Эргашев Фарғона вилояти ҳокимининг ўринбосари – вилоят инвестициялар ва ташқи савдо бошқармаси бошлиғи вазифасида ишлаган.
Эслатиб ўтамиз, Ипакчилик ва жун саноатини ривожлантириш қўмитаси раҳбари лавозимида ишлаган Баҳром Шарипов бошқа ишга ўтгани сабабли лавозимидан озод этилгани ҳақида хабар берган эдик.
