Футбол бўйича 2034 йилги Жаҳон чемпионати Саудия Арабистонида ўтказилади. Бу ҳақда ФИФА президенти Жанни Инфантино маълум қилди, дея хабар бермоқда ЎФА Матбуот хизмати.
Унга кўра, ФИФА Осиё ва Океания мамлакатларига мусобақани қабул қилиш учун 31 октябрга қадар ариза юборишни таклиф қилган эди. Саудия Арабистони футбол ассоциацияси ушбу муддат тугагунга қадар мезбонлик қилиш учун ариза топширган ягона номзод бўлди.
Маълумот ўрнида, 2026 йилги жаҳон чемпионати Шимолий Американинг 3 та давлатида Канада, Мексика ҳамда АҚШнинг 16 та шаҳарларида ўтказилади. Мундиал 3 та давлат мезбонлик қиладиган биринчи мусобақа бўлади.