Ўзгидромет хабарига кўра, октябрь ойининг охирги кунида ёғиб ўтган ёмғир ва совуқдан сўнг, ноябрь қуруқ ва анча илиқ об-ҳаво билан бошланади.
Ойнинг биринчи беш кунлигида Ўзбекистоннинг барча ҳудудлари бўйича ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол бироздан ўртача тезликкача эсади.
1 ноябрда кундузи ҳаво ҳарорати +17...+19 даража бўлади, 2-5 ноябрь кунларига +21...+24 даражагача аста-секин кўтарилади. Фақат кечаси ва эрталаб +5...+10 даража бўлган ҳарорат билан салқин бўлиши кузатилади.
Кейинчалик, ойнинг охиригача, Ўзгидрометнинг дастлабки баҳолашига кўра, 2023 йил ноябрь ойида республика ҳудудининг катта қисмида ҳарорат кечалари +5...+10 даражадан 0...+5 даражагача, кундуз кунлари +15...+20 даражадан +7...+12 даражача ўзгариб туриши кутилмоқда. Совуқ ҳаво даврларида эса кечаси ва эрталаб -2...0 даражача бўлиши мумкин.
Республика шимолида анча паст ҳарорат фонида ҳарорат кечалари +2...+7 даражадан +2...-7 даражача, кундуз кунлари +10...+15 даражадан +7...+12 даражагача ўзгариб туриши кутилмоқда.
Ушбу ноябрь ойида ёғингарчилик меъёр атрофида, баъзи жойларда меъёрдан кўп бўлиши кутилмоқда. Ёғингарчилик асосан ёмғир кўринишида ёғади, совуқ даврларда эса қорга айланади.