Қайд этилишича, хорижий сайёҳларнинг мобил қурилмалари IMEI-кодларини рўйхатдан ўтказмасдан туриб, энди 60 кунгача мобил алоқа хизматларидан фойдаланиш имкониятига эга бўлади. Мазкур тартиб бунгача 30 кун эди.
Шунингдек, энди импорт қилувчилар томонидан олиб кирилган қурилмалар партияси “эркин муомалага чиқариш” (ИМ-40) божхона режимига расмийлаштирилмагунча, мазкур қурилмаларнинг IMEI кодлари тизимда рўйхатдан ўтказилишига йўл қўйилмайди.
Жисмоний шахслар томонидан халқаро почта ёки курьерлик жўнатмалари орқали олиб киритилган мобил қурилмалар тизим оператори ёки рўйхатга олувчисига шахсан мурожаат этиш орқали ёки тизим операторининг сайти орқали, мос равишда почта идентификаторининг штрих коди, календар штемпели бўлган конверт ва жўнатмани олувчининг ЖШШИР мавжуд шахсни тасдиқловчи ҳужжатини кўрсатган ҳолда амалга оширилади.
Белгиланишича, энди жисмоний шахслар томонидан мобил қурилмаларни олиб киришда божхона тўловлари ундирилмайдиган чекланган меъёрларидан қатъий назар, декларация тўлдирилади.
