Ўзгидромет хабарига кўра, бугун кундузи Ўзбекистон ҳудуди бўйича ёғингарчиликсиз об-ҳаво кузатилади, фақат республиканинг тоғли ҳудудларида куннинг биринчи ярмида баъзи жойларда ёмғир ёғади. Ҳаво ҳарорати +20...+25 даража атрофида бўлади.
Дам олиш кунлари Ўзбекистоннинг барча ҳудудлари бўйича ҳаво бироз булутли бўлади, баъзи жойларда ўзгариб туради, ёғингарчилик кутилмайди. Ҳаво ҳарорати аста-секин кўтарилади ва якшанба куни кундузи ҳаво +26...+29 даражагача чиқади.
Шунингдек, қуруқ ва илиқ об-ҳаво республика бўйича ва 30 октябрь душанба куни ҳам сақланиб туради.
Пойтахтда 27-29 октябрь кунлари ёғингарчилик кутилмайди. Ҳарорат бугун кундузи +22...+24 даража, шанба куни +24...+26 даража, якшанба куни +26...+28 даража бўлади. Ҳарорат кечалари +9...+12 даража атрофида бўлади.