Жиззах вилояти ЙҲХБ Матбуот хизматининг хабарига кўра, жорий йилнинг 5 октябрь куни соат 05:00 ларда Жиззах вилояти Шароф Рашидов тумани ҳудудидаги йўлда қорақалпоғистонлик 39 ёшли Cobalt ҳайдовчиси машинани бошқариб кетаётганида ухлаб қолган.
Натижада, автомобиль ўзи билан бир йўналишда ҳаракатланиб кетаётган 42 ёшли ҳайдовчи бошқарувидаги йўловчи автобуснинг орқасига бориб урилган.
ЙТҲ оқибатида Cobalt ҳайдовчиси тан жароҳати олиб, касалхонага ётқизилган. Аммо, машина салонида бўлган 2 нафар фуқаро воқеа жойида ҳалок бўлган.
