Ўзбекистоннинг янги тайинланган Фавқулодда ва Мухтор Элчиси Дилшод Ахатовга Германия Федерал Президенти Франк-Валтер Штайнмаер ишонч ёрлиқларини топширди. Бу ҳақда "Дунё" Ахборот агентлиги хабар берди.
Қайд этилишича, суҳбат давомида кўп қиррали Ўзбекистон-Германия ҳамкорлигининг ҳолати ва уни янада ривожлантириш истиқболлари муҳокама қилинган.
Франк-Валтер Штайнмаер сўнгги йилларда эришилган икки томонлама муносабатларнинг ўзига хос динамиклиги ва кенг кўламли шериклик йўналишларини қамраб олгани, шунингдек, Германиянинг Ўзбекистон билан ўзаро ҳамкорликни янада чуқурлаштиришдан манфаатдорлигини қайд этган.
Суҳбат сўнгида Германия раҳбари Ўзбекистон раҳбарияти ва халқига муваффақият ва фаровонлик тилаб, самимий тилаклар билдирган.
