“Ўзбекнефтгаз” АЖ Ахборот хизматининг маълум қилишича, кеча, 20 октябрдан бошлаб “Ўзбекнефтгаз” АЖ тасарруфидаги "UNG Petro" МЧЖга қарашли АЁҚШларда АИ-100 маркали автобензин сотуви бошланди.
UzNews.uz мухбирининг хабар қилишича, мазкур маркадаги бензиннинг 1 литр нархи 15 800 сўмни ташкил қилади.
"Мазкур импорт маҳсулоти ҳозирча пойтахтдаги Паркент бозори, Алоқа, Чинобод, Генерал Узоқов, Бодомзор, Қорасув, Аҳмад Дониш, Чўпон-ота ҳудудидаги мавжуд АЁҚШларда сотувга чиқарилган", - дейилади хабарда.
Маълумот ўрнида, кеча, 20 октябрь куни АИ-80 маркадаги бензин тақчиллиги масаласи бартараф этилиши ва АЁҚШларда бензин аввалгидек тартибда сотувга чиқарилиши ҳақида “Ўзбекнефтгаз” АЖ Ахборот хизмати хабар берди.