Жорий йилнинг 13 октябрь куни соат 22:30 атрофида Бобур кўчасида 2005 йилда туғилган Ш.Т. бошқарувидаги Spark автомашинасини бошқариб кетаётиб, руль бошқарувини йўқотиши натижасида пиёдалар юриш йўлагидаги 3 нафар пиёдани уриб юборган, дея UzNews.uz'га хабар берди Тошкент шаҳар ИИББ Ахборот хизмати.
ЙТҲ натижасида 3 нафар пиёда турли даражадаги тан жароҳатлари билан шифохонага ётқизилган. ЙТҲ натижасида вафот этганлар йўқ. Ҳайдовчига тез ёрдам ходимлари томонидан биринчи тиббий ёрдам кўрсатилган.
Тошкент шаҳар Ички ишлар бош бошқармаси ЙҲХБ навбатчи-инспектори Эргаш Тўйчиевнинг маълум қилишича, уриб юборилган пиёдалар Ҳиндистон фуқаролари бўлган.
Мазкур ҳолат юзасидан Тошкент шаҳар ИИББ ЙҲХБ томонидан терговга қадар суриштирув ишлари олиб борилмоқда.