Поиск
RUUZ

Общество

Тошкент-Марказий вокзали бир ойдан сўнг қайта очилди

15 сентябрдан вақтинчалик ёпилган Тошкент-Марказий вокзали қайта иш фаолиятини бошлайди.

144views0replies
0

foursquare.com

2023 йилнинг 15 сентябрдан 15 октябрь санасигача Тўқимачи бекатида модернизация ишлари олиб борилиши муносабати билан Тошкент-Марказий вокзалидан ҳаракатланадиган йўловчи поездлар мазкур муддат ичида Тошкент Жанубий вокзалидан ҳаракатланиши ҳақида хабар берилган эди.
“Ўзтемирйўлйўловчи” АЖ хабарига кўра, 16 октябрь санасидан бошлаб Тошкент-Марказий вокзали ўз фаолиятини аввалги жадвал бўйича бошлайди. Қайд этилишича, юқори тезликда ҳаракатланувчи “Афросиёб”, тезюрар “Шарқ”, “Насаф”, “Ўзбекистон” поездлари ва “Тошкент — Волгоград — Тошкент” йўналишида ҳаракатланувчи йўловчи поездлар аввалгидек Тошкент-Марказий вокзалидан ҳаракатланади.
“Тошкент-Марказий вокзали ва Тўқимачи бекатидан ҳаракатланаётган шаҳарлараро Хожикент, Гулистон, Ангрен, Хаваст, Бекобод йўналишларидаги поездлар 16 октябрь санасидан бошлаб Тошкент-Жанубий вокзалидан ҳаракатланади”, — дейилади хабарда.
144views0replies
0

Комментарии