Россия раҳбари Исроилнинг "жойлашув сиёсати"ни зўравонликнинг янги авж олишининг сабабларидан бири деб атади ҳамда Фаластин муаммоси ҳар бир мусулмоннинг қалбида эканлигини ва улар томонидан адолатсизлик сифатида қабул қилинишини таъкидлади. Путиннинг айтишича, АҚШ сиёсий муаммоларни ҳал қилиш ўрнига Фаластинга “садақа” бериш билан шуғулланиб келган.
Президент шунингдек, Исроил ташкил этилганда суверен Фаластинни яратиш ҳақида ҳам гапирилганини, аммо бу ҳеч қачон амалга оширилмаганини эслатди.
“АҚШ араб-исроил можаро зонасидаги механизмларни эътиборсиз қолдирди. Кейин эса ҳамма нарсани бир ўзи тузатишга қарор қилди. Сўнгги йилларда улар фаластинликларнинг моддий эҳтиёжларини қондиришга эътибор қаратди", - деди Путин.
Президент Исроил ва Фаластин ҲАМАСни "аёлларни тинч қўйишга" ва эркаклар ўзаро жанг қилишга рухсат беришга чақирди.
"Россия Исроил ва Фаластиндаги ғазаб жуда катта эканини тушунади, аммо биз тинч аҳоли йўқотишларини минималлаштиришга, болалар ва аёлларни ёлғиз қолдиришга ҳаракат қилишимиз керак", - деди президент.