Солиқ қўмитаси маълумотларига кўра, жорий йилнинг 4-5 октябрь кунлари TIKTOK PTE. LTD. Ўзбекистонда электрон хизматлар кўрсатувчи провайдер сифатида солиқ тўлаш мақсадида рўйхатдан ўтган.
Энди хизматлар учун тўловни амалга оширишда ҚҚСни ҳисобга олиш керак бўлади.
TikTok Ўзбекистонда чекланган ягона ижтимоий тармоқ бўлиб қолмоқда. 2021 йил 2 июлдан бошлаб компания шахсий маълумотлар субъектларининг ҳуқуқларини бузувчилар реестрига киритилган.
Эслатиб ўтамиз, 2022 йил август ойида Ўзбекистонда Twitter, "ВКонтакте" ва WeChat'га киришга қўйилган чекловлар бекор қилинган эди.
Кейин АОКА TikTok платформаси билан музокаралар давом этаётгани ҳақида хабар берди. Бироқ уларнинг натижалари ҳақида ҳеч қандай маълумот берилмаган.