Нилуфар Аллабергенова Яккасарой тумани ҳокими лавозимига тайинланди. Бу ҳақда Тошкент шаҳар ҳокимлиги Матбуот хизмати хабар берди.
Аллабергенова Нилуфар Анваровна 1971 йилда Тошкент шаҳрида туғилган. 1995 йилда Тошкент давлат юридик институтини тамомлаган. У 2019 йилдан шу кунга қадар Яккасарой тумани прокурори сифатида фаолият юритган.
Эслатиб ўтамиз, туманнинг бундан аввалги ҳокими Анвар Сайфутдинов Миробод тумани ҳокими лавозимига тайинланди.