Поиск
RUUZ

Погода

Дам олиш кунлари Ўзбекистонда ёғингарчилик кузатилади

Синоптиклар дам олиш кунлари кузатилиши мумкин бўлган об-ҳаво ҳақида маълумот берди.

435views0replies
0

UzNews.uz

Ўзгидромет хабарига кўра, бугун кундузи ва 7 октябрга ўтар кечаси ҳудуднинг катта қисмида булутли об-ҳаво бўлиши кутилмоқда, баъзи жойларда ёмғир ёғади, айрим жойларда шамол тезлиги соатига 13-18 м/с гача кучаяди. Ҳаво ҳарорати +18...+23 даражани ташкил этади.
Эртага кундузи нам ҳаво массаси Ўзбекистон ҳудудидан чекина бошлайди ва республика бўйича яна ёғингарчиликсиз об-ҳаво кузатилади, фақат эрталаб марказий ва шарқий вилоятларнинг айрим жойларида бироз ёмғир ёғиши мумкин. Якшанба куни эса Ўзбекистоннинг барча ҳудудлари бўйича ёғингарчилик кутилмайди.
Дам олиш кунлари ҳаво ҳарорати аста-секин кўтарилади ва якшанба куни +22...+27 даражани ташкил этади. Кечаси ва эрталаб салқин бўлиши кузатилади, ҳаво ҳарорати +9...+14 даража атрофида бўлади.
Республиканинг тоғ олди ва тоғли ҳудудларида 6-8 октябрь кунлари вақти-вақти билан ёмғир ёғади. 6-7 октябрь куни баъзи жойларда кучли ёмғир ёғади, сел-сув тошқин ҳодисалари юзага келиши мумкин. Баланд тоғли ҳудудларда ёмғир қорга айланиши эҳтимоли бор.
Пойтахтда ҳаво ўзгариб туради, 6 октябрь ва 7 октябрь куни кечаси вақти-вақти билан ёмғир ёғади. 7 октябрь куни эрталаб бироз ёмғир ёғиши мумкин, кундузи ёғингарчилик кутимайди. 8 октябрь куни ёғингарчилик кутилмайди. Шамол шарқдан соатига 5-10 м/с тезликда эсади. Ҳарорат асосан кечалари +11...+14 даража, кундузи 6 октябрда +21...+23 даража, 7-8 октябрда +23...+26 даража бўлади.
435views0replies
0

Комментарии