Энди божхона органлари томонидан ноқонуний муомаладан олиб қўйилган ва суд қарорига биноан давлат даромадига олинган мол-мулклар аукционга қўйилади, дея хабар бермоқда Божхона Ахборот хизмати.
Буни "Божхона сервис" давлат муассасаси ва унинг ҳудудий бўлимлари "E-auksion shop" электрон савдо дўкони орқали амалга оширишади.
Бу Вазирлар Маҳкамасининг 2023 йил 4 октябрь куни қабул қилинган 526-сон қарорида назарда тутилмоқда.
Шунингдек, Рақобатни ривожлантириш ва истеъмолчилар ҳуқуқларини ҳимоя қилиш қўмитаси Рақамли технологиялар вазирлиги, Давлат активларини бошқариш агентлиги билан биргаликда 2024 йил 1 сентябрга қадар давлат даромадига олинган мол-мулкларни соддалаштирилган аукцион тамойиллари асосида сотишнинг хусусий операторлар томонидан ташкил этилиши мақсадга мувофиқлиги юзасидан Вазирлар Маҳкамасига таклиф киритилди.
