“Даракчи” газетасининг русча нашри — “Даракчи плюс”нинг фаол журналисти Сурия Магдеева оламдан ўтди. Бу ҳақда таҳририят хабар бермоқда.
"Марҳумани бутун республика, айниқса, Наманган вилояти истеъдодли журналист сифатида яхши биларди. У ҳеч ҳам чарчамайдиган, серҳаракат, республикадаги барча тадбирларда фаол, жамоада барчага меҳрибон ва ақлли инсон эди", - дейилади хабарда.
Сурия Магдеева 1980 йил 14 декабрда туғилган. Наманган давлат университетини тамомлаган. Марҳума пойтахтга келишидан олдин "Наманган ҳақиқати"да ишлаган.
