Аввалроқ, Тошкент халқаро аэропорти яқинидаги кўприк таъмирланаётганлиги ва натижада ундан ўтувчи 10 та автобус йўналиши ўзгартирилганлиги ҳақида хабар берган эдик.
Бугун, 3 октябрь санасидан бошлаб, 3М-сонли "Халқаро аэропорт" бекатини кўприк йўли орқали "Яккасарой ТИИБ" бекати билан боғловчи 2 та микроавтобуслар ҳаракатланувчи вақтинчалик бепул йўналиш ташкил этилди. Бу ҳақда "Тошшаҳартрансхизмат" АЖ Матбуот хизмати хабар қилди.
Эслатиб ўтамиз, кўприк таъмирлаш ишлари ва бепул автобус қатнови қачонгача давом этиши ҳали маълум қилинмаган.