Сахи Сапармухамедович Аннакличев янги ташкил этилган "Бизнесни ривожлантириш банки" бошқаруви раиси сифатида иш бошлади. Бу ҳақда Савдо-саноат палатаси Матбуот хизмати хабар берди.
Сахи Аннакличев мазкур тайинловга қадар "Ўзсаноатқурилишбанк" бошқаруви раиси бўлган.
"Қишлоққурилишбанк"нинг аввалги раиси Алишер Акмалович Муратов раиснинг биринчи ўринбосари лавозимига тайинланди.
Эслатиб ўтамиз, президент томонидан тадбиркорлар билан 2023 йилги очиқ мулоқотида белгиланган вазифаларни амалга ошириш бўйича тегишли қарор имзоланганди. Унга кўра, "Қишлоқ қурилиш банк" АТБ негизида "Бизнесни ривожлантириш банки" АТБ ташкил этилди.