Бугун, 28 сентябрь куни тонгга яқин Тошкентнинг Сергели туманида жойлашган омборхоналардан бирида кучли портлаш содир бўлди. Портлаш натижасида 16 ёшли йигит вафот этди. UzNews.uz мухбири йигит ҳалок бўлган хонадонга ташриф буюрди.
Қўшни аёлнинг айтишича, бола балкондаги дераза тагида ухлаётган бўлган. Кучли портлаш оқибатида дераза ойналари синиб, унинг бўйнига тушган. Натижада, йигит жиддий жароҳат олиб, кўп қон йўқотган.
“Бўйнини кесиб юборибди. Онаси ёрдам келгунича қонни тўхтатишга ҳаракат қилган. Тез ёрдам келмади. Кейин, ўзимизни йигитлар машинага солиб шифохонага олиб кетишди. Шифохонага етиб бормасдан вафот этибди. "103" ходимлари кейин келишди”, — дейди аёл.
