26 сентябрь куни Тошкентдаги Инҳа университети ректори Музаффар Жалолов ва Uzum операцион директори Роман Лаврентьев ҳамкорлик меморандумини имзоладилар. Uzum миллий экотизими ва мамлакатнинг етакчи университетларидан бири мутахассислар тайёрлаш ва қўшма таълим дастурларини ишлаб чиқиш, университет талабалари ва ходимлари учун маърузалар ва семинарлар ўтказиш бўйича тажриба алмашишни режалаштирмоқда.
«Биз Инҳа талабаларини ўқув жараёнига етакчи миллий ва жаҳон компанияларини жалб қилишга интиламиз, чунки бозорда талаб юқори бўлган мутахассисларни фақат шу тарзда тайёрлаш мумкин. Биз ҳамкорларимиз орасида Uzum кўплаб талабаларимиз орзу қилган иш берувчи эканлигидан фахрланамиз», – дейди Тошкентдаги Инҳа университетининг ректори Музаффар Жалолов.
«Uzum янги бошланаётган мутахассисларни фаол қўллаб-қувватламоқда: ҳамкасбларимиз хакатонларда ментор бўлиб, бугунги кунда бутун мамлакат бўйлаб 100 дан ортиқ киши IT академиямиз доирасида курслардан ўтишмоқда. Инҳа университетида биз кўплаб иқтидорли талабаларни кўриб турибмиз ва улар Uzum жамоасининг бир қисми бўлишидан хурсанд бўламиз. Ахир, кучли жамоасиз кенг кўламли лойиҳаларни амалга ошириш мумкин эмас ва биз унинг ривожланишига сармоя киритишга тайёрмиз», – дейди Uzum операцион директори Роман Лаврентьев.
Университет талабалари билан учрашув доирасида Роман Лаврентьев IT дунёси ва Uzum экотизими ёш мутахассислар учун қандай истиқболларни очиб бераётгани, янги рақамли маҳсулотлар қандай яратилаётгани, ўз стартапини очиш учун ғояни қандай топиш ва синаб кўриш ҳақида айтиб берди, шунингдек, талабаларнинг саволларига жавоб берди.
Реклама ҳуқуқи асосида