Ўзбекистон миллий жамоаси аъзоси Жалолиддин Машарипов фаолиятини Европада давом эттиради. Фуболчи Грециянинг клуби билан шартнома имзолади. Бу ҳақда клуб Матбуот хизмати хабар берди.
30 ёшли ҳужумкор яримҳимоячи Машарипов Грециянинг "Пансерраикос" клуби билан бир йиллик шартнома имзолаган. Фуболчи "Ан-Наср" клубини тарк этгач, Греция жамоаси сафига эркин агент сифатида қўшилган.
Маълумот учун, "Пансерраикос" клуби Серре шаҳри шарафини ҳимоя қилувчи клуб саналади. Ушбу жамоа Греция Суперлигасида 5-турдан кейин 6 очко билан 8-ўринда бормоқда. "Пансерраикос" сўнгги 3 ўйинида дуранг қайд этган.
