Жорий йилнинг 24 сентябрь куни Олтиариқ тумани ҳудудидан ўтган 4Р-148А "Фурқат Темир йўл бекатига кириш" автомобиль йўлининг 1-км.да Cobalt, Lacetti ҳамда Damas русумли автомобиллар ўртасида йўл-транспорт ҳодисаси содир бўлган. Бу ҳақда Фарғона вилояти ИИБ ЖХХ ЙҲХБ Ахборот хизмати расмий хабар берди.
Маълум бўлишича, ушбу ЙТҲ натижасида Damas автомобиль ҳайдовчиси енгил тан жароҳати олиб, туман марказий шифохонасига мурожаат қилган.
"Ҳозирда ҳолат юзасидан Олтиариқ тумани ИИБ ЖХХ ЙҲХГ томонидан терговга қадар текширув ишлари олиб борилмоқда",- дейилади хабарда.