Қўшни Туркманистон раҳбари Сердар Бердимуҳамедов Туркманистон Қаҳрамони унвонини олди, дея хабар беради давлат ахборот агентлиги.
Сердар Бердимуҳамедовни унвон билан тақдирлаш бўйича парламентнинг тегишли қарори қабул қилинган. Унда Туркманистон раҳбарининг Туркманистон миллий мустақиллиги ва бетарафлиги тамойилларини мустаҳкамлашга қўшган улкан ҳиссаси, давлат ва жамият олдидаги беқиёс хизматлари, инновацион ташаббуслари ҳақида қайд этилган.
Ушбу мукофот Туркманистонда энг юқори даражали бўлиб, давлат ва халқи олдидаги алоҳида хизматлари учун фуқароларга берилади.
Маълумот учун, Бердимуҳамедов 2022 йилги президентлик сайловларида 72,97 фоиз овоз билан ғалаба қозонганидан сўнг Туркманистон президенти лавозимини эгаллаган эди. Бунгача эса унинг отаси Гурбангули Бердимуҳамедов давлат раҳбари бўлган.