Ўзгидромет хабарига кўра, бугун Волга бўйи ҳудудидан нам ҳаво массалари кириб келиши ҳисобига республика ҳудуди бўйича нисбатан салқин ҳаво бўлиши кутилмоқда.
Ўзбекистонда кам булутли ва қуруқ ҳаво бўлади, кундузги ҳарорат +23...+28 даражани ташкил этади.
Дам олиш кунлари ушбу об-ҳаво шароити сақланиб туради. Салқин ҳаво массаси аста-секин шарққа томон силжийди. Дам олиш кунлари ҳаво ҳарорати кечалари +11...+16 даражани ташкил этади, кундуз кунлари +25...+30 даражагача исийди.
Пойтахтда бугун ёғингарчилик кутилмайди, кундузги ҳарорат +23...+25 даражани ташкил этади.
Дам олиш кунлари ёғингарчилик кутилмайди, ҳарорат кечалари +12...+14 даража, кундуз кунлари +25...+27 даража бўлади.
