Food Fest кенг кўламли гастрономик фестивалга таклиф қилмоқда

Узоқ кутилган автомобиль фестивали билан бир қаторда ресторатор Абдурашид Иминов ва Goʼsht жамоаси бошчилигидаги озиқ-овқат фестивали ҳам ташкил этилади.

Фестивалнинг тантанали очилиш маросими соат 10:00 га мўлжалланган бўлиб, илҳомлантирувчи нутқлар ва карнай-сурнайларнинг ажойиб садоси остида бошланиши режалаштирилмоқда. Фестиваль давомида меҳмонларни  “иштаҳани очувчи” мусобақалар кутмоқда – таниқли блогерлар ва меҳмонлар ўртасидаги бургерлар жанги ва бургерларни тайёрлаш беллашуви. Жонли мусиқа ва кўнгилочар дастур, самимий муҳит ва кўплаб мазали таомлар – фестиваль воқеаларга бой ва жуда қизиқарли бўлишини ваъда қилади.

Энг кичик, аммо энг муҳим меҳмонларга алоҳида эътибор қаратилади – болалар 4 нафар энаганинг қатъи раҳбарлиги остида Goʼsht Kids нинг махсус болалар ҳудудида Anor Mali қувноқ аниматорлари билан ўйин ва мусобақалардан тўлиқ завқланишлари мумкин. Болаларнинг энг эпчил ва ижодкорлари учун эса катта батут ва бўёқлар, рангли қаламлар ва фломастерларда бўяш учун мўлжалланган ҳақиқий автомобиль тайёрланган. Шунингдек, кичкинтойларга махсус болалар менюси таклиф этилади.

Икки кун давомида соат 10:00 дан 22:00 га қадар миллий ва хорижнинг турли ноз-неъматлари, мазали ичимликлар ва барчани хушнуд этувчи ширинликларга эътибор қаратилади.

Фестивалга кириш MotorFestUz учун харид қилинган чипталар орқали амалга оширилади. 7 ёшгача бўлган болалар учун бепул, 7 ёшдан катталарга эса 50% чегирма мавжуд. Чипталарни тез ва навбатсиз онлайн равишда motorfest.uz сайтида, офлайн равишда эса қуйидаги сотув нуқталарида харид қилишингиз мумкин:

- Миробод кўчаси, 21/1;
- Шаҳрисабз кўчаси, 5А.

- Ц-1, Содиқ Азимов кўчаси, 2;
- Буюк Ипак Йўли кўчаси, 123.

- Фарғона Йўли, 44.

Ажойиб тадбирларни ўтказиб юборманг ва унутилмас байрамлардан завқланинг.