Куни кеча, 19 сентябрь куни соат 21:00 атрофида Тошкент шаҳар, Яшнобод тумани Янги Ўзбекистон кўчасида ўлим билан боғлиқ йўл-транспорт ҳодисаси содир бўлди.
Аниқланишича, спиртли ичимлик истеъмол қилган ҳайдовчи Nexia-3 автомашинасини ҳайдаб, руль бошқарувни йўқотиши оқибатида қарама-қарши томондан ҳаракатланиб келаётган Nexia-1 ва Spark автомашиналари билан тўқнашган.
Ушбу ЙТҲ натижасида 3 нафар шахс воқеа содир бўлган жойда вафот этган. 5 нафар фуқаро эса турли даражадаги тан жароҳати билан шифохонага ётқизилган.
Ушбу ҳолат юзасидан ЖКнинг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисми "а" банди билан жиноят иши қўзғатилган.
