Тошкент вилояти божхона бошқармаси "Янгийўл" ТИФ божхона пости ходимлари томонидан қўшни давлат орқали хориждан Ўзбекистондаги МЧЖлардан бирининг номига олиб келинган юклар божхона назоратидан ўтказилган.
Натижада Республика ҳудудига олиб кириш тақиқланган қиймати 1 млрд сўмга тенг бўлган 2 дона "Чиллер модели 10HP*1set LDHCW010D R2" номли кондиционерлар борлиги аниқланган.
Таъкидланишича, мазкур товарлар таркибида республика ҳудудига олиб кириш тақиқланган озон қатлами учун хавфли бўлган фреон моддаси бор бўлган.
Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом этмоқда.
