ОЧЛ 1-тур доирасида Қаршининг “Насаф” жамоаси Иорданиянинг "Ал-Файсали" жамоасига қарши меҳмонда баҳс олиб бориб, сўнгги дақиқаларда Зафармурод Абдираҳматовнинг голи эвазига ғалабани илиб кетди.
Олмалиқнинг ОКМК жамоаси сафарда Саудия Арабистонининг “Ал-Иттиҳод” жамоасига қарши ўйинда йирик ҳисобда мағлуб бўлди. Карим Бенземасиз ҳаракат қилган "Ал-Иттиҳод" Миржалол Қосимов бошчилигидаги ОКМК дарвозасига жавобсиз 3 та гол уриб, 3 очкони қўлга киритди.
Шунингдек, Самвел Бабаян бошчилигидаги "Навбаҳор" Неймар тўп тепадиган "Ал-Ҳилол" билан дуранг ўйнади. Ўйиннинг 52-дақиқасида Тома Табатадзе "Ал-Ҳилол" дарвозасига гол киритиб, "Навбаҳор"ни олдинга олиб чиқди. Аммо, иккинчи бўлимга қўшиб берилган 14-дақиқанинг 10-дақиқасида Ал-Булайҳи гол киритиб, ҳисобни тенглаштирди.
Ўзбек клубларининг ОЧЛ гуруҳ босқичи дастлабки тур натижалари:
“Насаф” — “Ал-Файсали” — 1:0;
“ОКМК” — “Ал-Иттиҳод” — 0:3;
“Навбаҳор” — “Ал-Ҳилол” — 1:1.
