Москвадаги Ҳукумат уйида Ўзбекистон ва Россия ҳукумат раҳбарлари даражасидаги Қўшма комиссиянинг 4-мажлиси бўлиб ўтди, унинг якунлари бўйича қатор ҳужжатлар имзоланди.
Ўзбекистон Бош вазири Абдулла Арипов ва Россия Федерацияси Бош вазири Михаил Мишустин ҳукумат раҳбарлари даражасидаги Қўшма комиссиянинг 4-мажлиси якунлари бўйича Қўшма коммюнике имзоладилар.
Шунингдек, қуйидаги ҳужжатлар имзоланди:
• Россия Саноат ва савдо вазирлиги ва Ўзбекистон Инвестициялар, саноат ва савдо вазирлиги ўртасидаги келишув;
• Россия Давлат рўйхатидан ўтказиш, кадастр ва картография федерал хизмати ва Ўзбекистон Иқтисодиёт ҳамда молия вазирлиги ўртасида 2023-2024 йилларда давлат кадастр баҳолаш тизимини яратишда Россия томонидан Ўзбекистонга бепул техник ёрдам кўрсатиш тўғрисидаги келишув;
• "Росатом" атом энергияси давлат корпорацияси ва Ўзбекистон Соғлиқни сақлаш вазирлиги ўртасида ядро тиббиёти соҳасида стратегик шериклик тўғрисидаги англашув меморандуми;
• "Н.И.Пирогов номидаги Россия миллий тадқиқот тиббиёт университети" Федерал давлат автоном олий таълим муассасасининг Тошкент филиалининг тўлиқ фаолият юритиши бўйича ҳамкорликдаги ишларни жадаллаштириш бўйича чора-тадбирлар режаси.